अलकापुरी - कान्तीपुरी नगरी

-
समय त्यो
बालाज्यूका २२ धारामा
कल कल पानी
पहाडको कन्दरावाट हेर्दा
मलिला फाँटहरुमा
लहलह बाली देखेरै
कविले मन थाम्न सकेनन् ।

समय यो
मनका भावहरु समेत
अलमलमा परेर
कविका कवित्वहरु
कि त भीडमा हराए
कि त धूलोमा रुमलिए ।

मेलम्चीको धूप छायाँ
पुकार्दा पुकार्दै
एक पुस्ताले नेटो काटी सक्यो ।
सफा सुन्दर हराभरा “नारा”
आफै बुढ्यौलीमा पुग्यो ।

राज्य सत्ता र शासकहरु बदलिए
कार्यशैली, भावना र प्रविधी परिवर्तन भए
आसा र आवस्यकताहरु झाँगिए
तर
हाम्रा विश्वासहरु आफै उभिन नसकेर कुँजो भए ।

दिन गन्तीको हिसाबले
वर्षहरु समाप्त भए
हाम्रा शानहरु पुस्तकमा रहे
त्यही पुस्तक पढेर
मान खोज्दै
युवाहरु कामको लागि विदेश
पलायन भए ।

यो कथा हो
अलकापुरी कान्तीपुरी नगरीको
जहाँ हिमाल, पहाड र तराईका
अनेकौं आसाले
डेरा जमाइरहेका छन् ।

देउतै देउताका बासस्थान
कान्तिपुरको अभिमान
त्यसैमा टेकेर बनेको
राज्यको स्वाभिमान
बदलिएको परिवेश
खोजेर फेरी सभ्यताको चिनो
ब्युँतनु पर्छ हरेकको मन ।

स्वयम्भुका निश्चल आँखाहरुवाट
पुन: देखियोस्
सम्झेर भानुभक्तहरुका कविता
अलकापुरी-कान्तीपुरी नगरी ।
अलकापुरी-कान्तीपुरी नगरी ।।




-हरिहर

Comments

Post a Comment

Popular posts from this blog

भन्सार यार्डको बास्ना !

-
Image
भन्सारको एउटा साझा चरित्र भनेको वास्ना वा गन्ध पनि हो । धेरै भन्सारका साहित्यमा पढ्न पाइन्छ, केहि अनौठो गन्ध वा वास्ना आएमा भन्सार नजिकै छ भन्ने । विभिन्न किसिमका वास्नादार सामानहरु बोकेर आउने ट्रकहरुको वास्ना अनि परिश्रमी ट्रक चालकहरुका पसिनाका गन्धहरु नआउने भन्सार यार्ड नै हुँदैन भन्न सकिन्छ । साथै भन्सार यार्डमा ट्रक मुन्तिर बसेर खाना पकाउँदै गर्दाको वास्नाले र्याल चुहिने बनाउँछ जो कोहीलाई । सबैलाई आफ्नै हातमा स्टेरिंग होओस भन्ने लाग्नु स्वभाविक पनि छ । कोही देशको कोही कार्यालयको । अझ प्रतिष्पर्धाको दुनियामा आफ्नै निर्णय सर्वोपरी बनाउन को पो चाँहदैन र ? असली स्टेरिंग त ट्रक चालकहरुको हातमा छ । जसले सामान नल्याई दिने हो भने आजको दुनिया कल्पना गर्न सक्ने नै हुँदैन । हामीले उपभोग गर्ने सरसामानहरु कसरी टोलको पसलसम्म आइपुगे त ? ती पसलमा सजिने सामान कसले ढुवानी गरेर त्यहाँ सम्म ल्यायो उपभोग गर्दा ख्याल गरिन्छ र ?  चालक ट्रकको, ट्रक साहुको, बोकिएको माल अर्कै देशको साहुको । अजब पेशा गजब जीन्दगी । कुनै मुसाफिर यात्री भन्दा फरक कहाँ छ र यो दिन चर्या । कास्मीर देखि कन्याकुमारी सम्मको यात्र...
Read more

भन्सार अधिकृतको ट्रक डायरी

-
Image
  भन्सार अधिकृतको ट्रक डायरी हरिहर पौडेल माघ ३० उज्यालो भयो होला भन्ने ठानेको, हेटौंडा नपुग्दै रातमाटे भन्ने ठाउँको हल्लाले ब्युँझाएको रहेछ। प्रहरी जाँच रहेछ हेटौंडा पुग्नेबेलाको सडकमा। त्यस्तो राती पनि प्रहरी जाँच! हाम्रो मुलुक पनि संसाँझै सुत्दो रहेनछ। मुलुकका रखवारीहरू रातभर ड्युटीमा हुँदा रहेछन्। हुन त भन्सार पनि सुत्न मिल्दैन, राती ब्युँझेर कति पटक एम्बुलेन्स, तीर्थ यात्री र कार्नेटहरूलाई पठाएका छौं। भन्सार अधिकृत भएर काम गर्दा नै मैले मालवाहक ट्रक र त्यसका चालकहरूलाई माया गर्न सिकेको हुँ। माल बोकेर आउने ट्रक र चालक आएनन् भने हामी कहाँ न व्यापार हुन्छ, न खानै पाइन्छ।  पटकपटक मालवस्तु भन्सारमा जाँच गर्दा भारतीय ट्रक चालकहरूसँग धेरै पटक कुरा गरेको छु। उनीहरूको जीवन र दिनचर्या देखेर पटकपटक लोभ नलागेको पनि होइन। थोरै तेल, मसला, हरियो सब्जी, केही चामल र पीठो दैनिक किनेर सडक किनार वा भन्सार यार्डमै पकाएर मीठो मानी खाएको देखेको छु। त्यसरी नै उनीहरूसँग खाने मनको धोको आजसम्म अपूरै छ। नेपाली ट्रक चालक र भारतीय ट्रक चालकमा फरक छ। भारतीयहरू त्यसरी आफैं पकाएर खान्छन् भने नेप...
Read more

**हनुमान **

-
Image
त्रेता युगमा हनुमानले छाती च्यातेर भगवान राम सीता देखाए ! राम भक्तिको उत्कठ समर्पण हनुमान महान देव भए । कलि युगको हनुमान प्रति मेरो सघन विरोध छ । कलि युग मिश्रित दोधारमा हनुमानको गाथा गाउँछ हनुमान भन्दा चाकडी र चाप्लुसीको आधार पाउँछ । अन्धता र विचारशुन्य समर्थनको हनुमानवाद कहलाउँछ । ओठे आदर्श कोठे सिद्धान्तको नियतमा नै आरती गर्दै गुनगान गाउने हनुमान बन्छ । कलि युगमा धन, शक्ति र आडम्बरको उचाईमा केही झर्ने आसामा हनुमानहरु रमाउँछन् आदर्श, ज्ञान र भक्तिको यो गाथामा हनुमान चालिसा हराउँछ । को ठूलो भन्ने आधार कलियुगका हनुमानको संख्याले निर्धारण गर्छ को महान भन्ने तथ्य विवेकहिनताको वहाबका कुतर्कलाई हनुमानका समर्थनले भाव दिन्छ । निस्वार्थ आदर्श बनेका राम भक्त हनुमानको प्रयोग प्रति मेरो घोर आपत्ति छ तेत्रा युगका कणकणमा राम झुल्ने हनुमान प्रति मेरो सलाम । प्रकाशित :   http://lokaantar.com/story/92164/2019/11/16/harihar-poudel-?fbclid=IwAR1JOQHSSI3q-aaL6Z1QOWFa_3_aqdZjrzW9tkLyjhd4we-5...
Read more