मेट्रो चढेर फेरी गोकर्णमा
धुलाम्य शहरको धूलो छल्न
चिल्ला र टुप्पी भएका सवारीहरु
लाम लगाएर
कालीकोट र हुम्लाका बैँसका कुराहरु
गर्न
त्रिशुली र गण्डकीका तुइनहरुको
छलफल गर्न
शहरको व्यस्त दैनिकी हेरेर निदाइ
रहेको
यो गोकर्णको थुम्कोमा असरल्ल
एकाकार हुने प्रयास गर्दैछौं ।
इतिहासको उत्तरवाट दक्षिण छिर्ने
ढोका
शहरको काँठमा झिलीमिली साँझमा झुमिरहन्छ
।
कहिले विदेशी रक्सीको मात त
कहिले पाहुना नपाएको झोँक
यो जंगललाई पनि लाग्दो हो ।
छेवैमा ठिंग उभिएको रुख
विकासका कुराहरु सुन्दासुन्दै
कुप्री परिसकेको छ ।
र हामी सुधारको अभियान लिएर
परम्परा पछ्याउँदै त्यही रुख मुनी
कसैले सुने पनि नसुने पनि बोलिरहेछौं
।
यो पनि सीमा हो आकास र धर्तीको
जुन थुम्कोमा तल शहर र माथी आकास
छ ।
र हामी सीमाका गन्थनहरु बिसाउन
यही
थुम्कोमा भर परेका छौं ।
शान्ति खोज्ने बाहानामा
साली नदि नजिकै बुलबुल गर्दा
बौद्धका स्तुपहरुमा घन्ट घुनघुनाउँछन्
।
र हाम्रो गुनगुनाहट
साली नदि जस्तै शालिन बनोस् ।
यो थुम्को जस्तै अटल बनोस् ।
चुहावट नियन्त्रणका प्रयासहरु
यी रुख जस्तै हरिया बनुन् सधैंभरी
।
र गन्थनहरु बोकेर ठाउँ चाहार्दै
गर्दा
कतै आत्म बिश्वास नघटोस् ।
पोखिएका बोलीहरु शक्ति बनेर निस्कियुन्
यही माटोमा
र यथार्थ बनोस् हाम्रो शहरवाट मेट्रो
चढेर
फेरी गोकर्ण आउन पाइयोस् ।
Comments
Post a Comment